'EL FIESTA' ELKARRIZKETAREN EUSKARAZKO BERTSIOA

Badakigu ipar-amerikarra zarela, baina nork da Gabriela Sepúlveda?

Gabriela Sepúlveda, musikarekiko pasio haundia duen 16 urteko neska bat da. Gabriela Sepúlveda, bere ametsak lortzeko borrokatzen uzten ez duen neskatoa da. Bizitzako esperientziek pertsona eta abeslari bezala hezten lagundu diotenez, eskertuta dagoen neska da. Bereziki, eskertuta dago bere familia eta bere zaleei bere ametsak lortzen laguntzen diotelako.

8 urte zenituenetik, musikarekiko lotura daukazu, baina zer da zuretzako musika?

Musika hizkuntza unibertsala da. Jendea musika entzuten duenean musika sentitu eta ulertzen du. Musikak mugak apurtzeko, jendea biltzeko eta pertsonen sentimenduak aldatzeko boterea dauka. Musikak edozein lekuko pertsonak konektatzeko eta istorioen eta emozioen paseo bat ematera bidaltzeko boterea ere badauka.

Nola hasi zinen musikaren munduan?

Gurasoek musikarekiko kriston pasioa daukate. Aita musikaria da, amari abestea asko gustatzen zaio. Beraz, musikarekiko maitasuna odolean daramat. Gurasoek musika gustatzen zaienez, nire ametsa lortzen lagundu naute, bereziki amak. Ni oso txikia nintzela hasi nintzen kantatzen, familiako bestetan. Selenaren abestiak kantatu, txisteak kontatu eta sortu nituen lanak aurkezten nituen. Eszenatoki batean abestu nuen lehenengo aldia, 8 urterekin izan zen; nire eskolako talentuzko agerraldian izan zen. Geroago, tokiko kantuzko konkurtsoetan parte hartzen hasi nintzen eta telebistako programetan parte hartzea lortu nuen.

Telebistako programetan parte hartu duzu, nola izan zen esperientzia?

American Idol XV (Amerikako idoloa euskaraz), La Voz Kids (``Haurren´´ ahotsa), Sábado Gigante (Larunbat haundia), eta Tengo Talento Mucho Talento (Talentua daukat, talentu asko)-n parte hartu dut. Programa hauek memoria politak eta jende ona ezagutu dut prozesuan. Eta, gehien bat, asko dibertitu naiz anitz gustatzen zaidan zerbait egiten eszenatoki eder batean. Esperientzia hauetan, eta desgastatzen duten erronka zailei aurre egin behar izan diet ere, baina aldi berean eskertua nago hezteko aukera eman didatelako.

Programa hauetatik baten bat lagundu dizu zure karrera finkatzera?

Bakoitzak eman dit zerbait diferentea, ezin dut erran batzuk bertzeak baino gehiago eman didatela. Denek lagundu naute hezten eta hobetzen. Karrera honetan ez da inoiz ikasten uzten.

Hain gazte izanda, nazioarteko mailan zure karrerari buruzko 30 artikulu baino gehiago dauzkazu. Zer da hori zuretzat?

Honek komunikabideetan nire lana eta musikari buruzko interesa dagoela  erran nahi du.  Jendeari zer egiten dudan eta niri gehiago ezagutzea gustatzen zaiola ere bai. Lan haundiarekin erreportaje hauek prestatzen dutenengandik sostengua ematen didala, esate baterako zuek El Fiesta! Horregatik oso eskertua nago zuetako bakoitzari zuen denbora, lana eta arduragatik. Xarmangarriak zarete!

Jaialdi eta ekitaldietan parte hartu duzu. Baten bat berezia kontsideratzen duzu?

Bat dago: Etxe Zurian kantatzeko castinga bat egin nuenean, ikasle talde batek kantatu behar zuen hor. Eskoletako ordezkapen eta EEBBetako Hezkuntza Departamenduaren ordezkapen anitzekin parte hartu nuen. Abesteko aukeraz gain, batzarrean ikasleen ordezkoa izateko aukera izan nuen.

Zer kontatu ahal diguzu Mis primeras canciones (Nire lehenengo kantak)?

Disko hau aski berezia da, nire haurtzaroaren oroimenak ekartzen didatelako. Disko hori 10 urterekin gurasoek nire zaleentzako zerbait grabatu nahi zuelako. Gainera, ni haur nintzeneko oroitzapena da. Disko hau entzuten dudanean, ametsak hobetzeko Gaby txikia aditzen dut.

Mis primeras canciones (Nire lehenengo kantak) diskoan abestiren bat berezia kontsideratzen duzu?

Los laureles berezia kontsideratzen dut abesti honekin telebistako hainbat programetako faseak gainditu ditudalako.

Ya no te quiero (Dagoeneko ez zaitut maite) nazioarteko mailan ezaguna egin zizun. Zer erran nahi du abesti hau zuretzat?

Oroitzapen anitz ekartzen dizkit. Nire gustuen parte da, 8 urterekin hasi nintzen konposatzen Selenaren filmak ikusiz. Nire lehenengo abestia izateaz gain, musikaren barruan nire pertsonalitatea erakusten du nirea den zerbait abestuz.

Abesti diferenteak atera dituzu. Adibidez, artista oso on batzuekin duoak egin dituzu Abraham Mateorekin bezala edo Disney-ko kantak atera dituzu. Zerbait kontatu ahal diguzu kanta hauei buruz?

Abeslari gustukoenetariko batekin eta nire lagun hoberenetarikoarekin duoa egitea egian bihurtutako ametsa izan zen. Berarekin grabatutako kanta Un 5 de Agosto (Abuztuaren 5a) deitzen da. Kanta hau Txileko meatzariei eskainita dago. Disneyrekin grabatutako kanta The Climb-en gaztelaniazko moldaera da La escala. Amak egin zuen letraren moldaera eta Walt Disneyk gure abestia egiteko eskubide ofizialak eman zizkion. Guretzako lorpen haundia izan zen. Nire azken elkarlana Fran Strippoli venezuelarrarekin izan da. Fran eta bion Llegaste tú (Zu ailegatu zinen) grabatu genuen.

2012an Nurevo Talento Joven Festivegas (Gazteen arteko talentu berria) saria jaso zenuen. Ze erran nahi izan zuen zuretako?

Bakarrik 12 urte nituen, sinestezina izan zen nire buruarengan konfiantza irabazten lagundu zidan. Ezin nuen sinetsi! Nire karreran nire burua animatu behar dudanean, sari hau begiratzen dut. Honek erran nahi du esfortzu eta lanarekin dena posible dela.

Jaso dituzun aitorpen guztietatik baten bat berezia kontsideratzen duzu?

Berezienak: familiarena, nire zaleen klubena, publikoarena eta hedabideena. Niri agurtzera, besarkatzera edo argazki edo autografo bat eskatzera etortzen direnean ere bai. Egunero zaleen mezuak eta niretzako desio hoberenak jasotzen ditudanean baita ere. Beraiei esker lorpen handiak izanen ditut. Hau guztia materiala ez den saria da, hau da, bihotzean sentitzen dena.

Elkartasunezko aldea daukazu. Juntos por la vida-ko enbaxadorea zara eta Gurutze Gorriaren kidea. Zer kontatu ahal diguzu honi buruz?

Niretzat aski inportantea da nire zaleei mezu positibo bat ematea jakinarazteko Bullyng edo osasuna bezalako arazo sozialak inporta zaizkidala.Juntos por la vida (Bizitzan elkarrekin) Bullyng-aren aurkako prebentzioari buruz lan egiten duen antolakundea da. Nahi dut zaleek jakitea aukerak beti daudela. Halaber, hemen bagaude, gure onerako edozein gauza aldatzeko gai garelako da. Nire eskolako Gurutze Gorrian larrialdiko kasutan laguntzeko entrenatua nago. Zorionez, oraindik ez dugu laguntzeko aukerarik izan, baina gertatzekotan nire kideek eta nik bertzeei laguntzeko badakigu nola jardun.

Eszenatokitan hainbertze denbora egonda gero, grabatutako kanten artean zein da zure gustukoena?

Pero Nadie nirea delako eta telenobelako dramako istorio dibertigarria delako. Onarpen haundia izan du Venezuela, Espainia, Mexiko, Dominikar Errepublika eta EEBBetako irratitan.

Ze abestirekin oraindik hunkitzen zara kantatzean?

Selenako Techno Cumbiarekin. Buruan geratzen zaizun horietakoa da eta.

Zure karrerako abestien artean zein gomendatuko zenuke?

Pero Nadie (Baina inork) entzutea gustatuko litzaidake. Kanta hau amak eta biok idatzi genuen. Kanta hau nire izaera konpositore eta kantari bezala erakusten du. Oso kontent nago abesti hau, Nashvilleko Josie Show Music Awards 2016-rako nominatuta izan delako. Hor ikusiko gara irailean.

Konpositore bezala abestiak konposatzeko zertan oinarritzen zara?

Nire abestiek oraindik bizi ez ditudan esperientziak dituzte. Nire inspirazioa besteen bizitzetatik, nire inguruan ikusten dudanetik, irakurtzen dudanetik, filmetatik edo telebistan ikusten dudanetik etortzen da.

Musikako generoren bat probatzea gustatuko litzaizuke?

Kar kar kar, gustatzen zaizkidan genero bakoitzeko abesti bat gutxienez kantatu dudala uste dut. Genero hauetako bertsioak egin ditut: mariachi, pop, baladak, country, blues, opera, rock, R&b, cumbia, eta bachata. Agian faltatzen zait jazz-a probatzea genero berria delako eta gauza berriak ikastea gustatzen zaidalako.

Abeslari haundiekin partekatu duzu eszenatokia, baina ze kantari edo taldearekin gustatuko litzaizuke abestea?

Galdera hau aunitz gustatzen zait. Beyoncé, Ariana Grande, Nathan Sykes, edo Il Volo-rekin duoa egitea gustatuko litzaidake. Artista guzti hauek franko gustatzen zaizkit, beraiekin kantatzea benetan bihurtutako ametsa izanen zen.

Zeintzuk dira zure hurrengo proiektuak?

Laster, YouTuben Rita Orako bertsio bat aterako dut. Kanta Grateful (Eskertua) deitzen da eta Beyond The Lights filmean agertzen da. Kanta hau grabatu nahi nuen nirekin konektatzen duen mezu bat duelako: norbanakoak bizitzan sufritu ahal duzu, baina norbanakoak esperientzia horietatik eskertuta egon behar da gaur egun zaren pertsona egiten dizulako.

Denbora badaramazu jada borrokan eta lanean, nori eskertuko zenioke zure karreran sostengatu izana?

Pertsona anitzei eskertasuna sentitzen dut, familiari eta zaleei (gabsterrei), baina hasieratik sostengatu zidana ama izan zen. Bera, nire nebaren laguntzarekin nik ezinezkoa zena pentsatzen nuen gauzetara eraman naute. Beraiek nire lagun minak dira eta elkarrekin ekipo haundia egiten dugu. Amak nire karrera aspektu askotan maneiatzen du. Nebak, berriz, urte aunitzetan grabatu dit nire bertsioetako bideoak etxeko teknikaria da ba! Orain, nebak unibertsitatean dago eta faltan botatzen diot, baina hoberena desiatzen diot.

Zurekin borrokatzen duten pertsonei ze mezu bidaliko zenieke?

Bere lana eta sostengua niretzat asko esan nahi duela erratea gustatuko litzaidake. Zuek nire pasioagatik borrokatzeko arrazoia zarete.Zuek amets berriak sortzea egin didazue eta esker mila ematen dizkizuet. Zuetako bakoitzari muxu asko bidaltzen dizkizuet eta niregan fidatzeagatik eta nire ametsak egia bihurtzeko konfiantza  izateagatik eskerrak ematen dizkizuet.

Zale anitz dituzu baina zuretzako zer dira zure zaleak?

Egunero nire karreran segitzeko motibatzen didatenak dira. Eurek beti aski zoriontsu egiten naute beraien iruzkin edo mezuak irakurtzen ditudanean. Animoa asko igotzen naute. Esperientzia zailetatik pasatu naiz eta nire lorpenak nirekin ospatzen dute. Milesker Gabsters !! Bihotzez asko maite zaituztet. Muxu eta besarkadak.

Zer da zale batek egin duen gauzarik politena zugatik?

Nire zaleetako bakoitza oso inportantea da eta egin duten guztia berezia da. Adibidez klubak sortu dituzten zaleak, niretzat elkarrizketa lortu dituztenak edo nire urtebetetzerako bideoak opari bezala egiten dituztenean oso politak dira. Bertze alde batetik, aurkezpenetara joaten naizenean eta lorea, marrazkia edo montajeak oparitzen didatenean. Beno, aurkezpenetan beraien hitzak, besarkadak eta beraiei ezagutzea oso berezia da. Ez dizut gezurra erranen, horietako detaile bakoitzagatik askotan poztasunagatik negar egin dut. Ez dakit zer egin hainbertzetatik ordaintzeko. Detailea hain politak egin duen jendea nire eguna egunero egiten didate. ASKO MAITE ZAITUZTET!

Interneten non ezagutu ahal dizugu hobe?

Nire orrialde ofiziala bisitatu ahal duzue www.gabrielasepulvedamusic.com. Hor nire karrerako detaile gehiago agertuko dira: bideoak, argazkiak, oharrak, artikuluak edo nire bideotarako iturriak. Nire orrialde sozialak ere segitu ahal duzue; Facebooken Gabriela Sepúlveda Singer, Twitterren @gabrielasmusic  eta Instagramen @gabrielasepulvedamusic. Youtubeko kanala Gabriela Sepúlveda deitzen da.

Non dira zure hurrengo kontzertuak?

Abuzturako aurkezpen batzuk ditut. Horietako bat Seaside (CA)-ko bestetan izanen da, konfirmatua dago. Bertzeak oraindik garatzen ari dira.

Kuriositateak testa moduan:

• Janari bat: Pho (Vietnameko zopa)
• Hiri bat: Paris, Frantzia.
• Kolore bat: turkesa
• Kolonia bat: J’adore
• Liburu bat: Die for me, Amy Plumeren
• Disko bat: Selenaren Amor prohibido
• Filma bat: Harry Potter and the Order of the Phoenix
• Aktore bat (mutikoa): Leonardo Dicrapio
• Aktore bat (neska): Jennifer Lawrence
• Abesti bat: La escala
• Abeslari/Talde musikala: Il Volo
• Data bat: Thanksgiving